Кавадарци, 21 март 2023 (МИА) - Со пешачење до споменикот на ,,12 младинци" во село Ваташа, како и до месноста Катунишки камен, кавадаречки ученици го одбележаа денот на пролетта. Станува збор за две групи ученици од основното општинско училиште ,,Страшо Пинџур". 

 

- Во нашето училиште беше одбележан денот на екологијата и ден на пролетта. Сите ученици беа вклучени во низа активности на тема „Засади цвет, разубави го целиот свет. Најмалите имаа ликовни работилници и пишување литературни творби, изработка на еко експонати и облека од хартија, пластика и најлон и ревија на изработките. Учениците од предметна настава изработуваа плакати и беџови со еколошки пораки, соопшти наставничката Стефка Саздовска за МИА. 

 

Се одржале неколку работилници на пивеќе теми, меѓу кои и таа, за здрава, наместо брза храна. 

 

- Беа посадени зимзелени дрвја, цвеќе со што го разубавивме нашиот училишен двор. Голема благодарност до учениците и сите вработени во училиштето што беа вклучени во еколошките активности.

Посебна благодарност до еколошкото друштво „Еко живот", кое секоја година несебично соработува со нашето училиште и учествува во сите еколошки активности, нагласи Саздовска. свд/дма/