Во Шпанија над 500 жртви на топлотниот бран
- Беа предизвикани разорни пожари и беа регистрирани рекордно високи температури
![Во Шпанија над 500 жртви на топлотниот бран](https://mia.mk/images/20221113183128_big_730x400_56.webp )
Мадрид, 21 јули 2022 (МИА) - Над 500 смртни случаи се евидентирани во Шпанија, поврзани со топлотниот бран што ја зафати западна Европа. Беа предизвикани разорни пожари и регистрирани рекордно високи температури.
Шпанскиот премиер Педро Санчез ги повика граѓаните да бидат многу внимателни, а објави и податоци од анализи на здравствениот институт Карлос Трети.
Тој додаде дека климатската вонредна состојба е реалност.
Според шпанскиот метеоролошки институт, овој топлотен бран може да биде најинтензивниот регистриран досега и еден од трите најдолги. бд/зш/