Мадрид, 6 ноември 2023 (МИА) - Џуд Белингем го измести рамото и можеби нема да игра против Брага во Лигата на шампионите.

Фудбалерот од средниот ред на Реал Мадрид го повреди рамото на вчерашниот меч од Ла Лига со Рајо Ваљекано (0:0).

Од прегледот било утврдено дека Англичанецот има изместено лево рамо. По натпреварот, болката во рамото на Џуд се влоши.

Повредата се покажа дека не е премногу сериозна, но учеството на играчот од средниот ред на натпреварот од Лигата на шампионите со Брага на 8 ноември е доведен во прашање. За учеството на Белингем утре ќе одлучува стручниот штаб на Мадрид. зс/

Фото: ЕПА