Енрике за Мбапе: Би сакал да работам со него уште многу години
- Тренерот на Пари Сен Жермен, Луис Енрике пред утрешното полуфинале од Купот на Франција против Рен повторно одговараше на прашања за замената на Килијан Мбапе во второто полувреме од неделното дерби со Марсеј, на што ѕвездата видно иритирано реагираше.
![Енрике за Мбапе: Би сакал да работам со него уште многу години](https://mia.mk/index.php/images/20240402175406_big_730x400_42.webp )
Париз, 2 април 2024 (МИА) - Тренерот на Пари Сен Жермен, Луис Енрике пред утрешното полуфинале од Купот на Франција против Рен повторно одговараше на прашања за замената на Килијан Мбапе во второто полувреме од неделното дерби со Марсеј, на што ѕвездата видно иритирано реагираше.
-Чудно е што може да направи лага. Некој измисли навреда и тоа создаде секакви шпекулации. Многу сум среќен со сите мои играчи, вклучувајќи го и Килијан. Неговото однесување отсекогаш било за пример. Би сакал да работам со него уште многу години, изјави Енрике.
Додаде дека тимот е над сите индивидуалци, но се труди да влее самодоверба давајќи време на што повеќе играчи. дс
Фото: Принтскрин