29  јануари 2025

Скопје - Сообраќајот на државните патишта се одвива во зимски услови, по наместа влажни коловози. Намалена видливост поради магла од 20 до 30 метри има од село Гајре до Попова Шапка.

Како што информираат од ЈП Макердонијапат, слаб дожд во југозападниот дел од земјава.

ЈП Македонијапат, велат, со целокупната расположива механизација и работна сила е вклучена во расчистување на патиштата

Скопје - Поединечни трговци и трговски ланци се однесуваат неодговорно заработувајќи преку енормни цени на производи кои ги плаќаат граѓаните. Ова меѓу другото го разбирам и како напад врз сопствената држава, граѓаните и заедничкиот интегритет.

Растот на цените ја нагласува потребата за одлучна, одговорна и транспарентна акција. Како Влада, остануваме целосно посветени на борбата против неправедните трговски практики и злоупотребите кои директно влијаат на животниот стандард, порача денеска премиерот Христијан Мицкоски во објава на Фејсбук.

Скопје - Од денеска почнуваат ригорозни контроли во маркети и во други трговски објекти, најави премиерот Христијан Мицкоски. Тој утрово, како што соопшти, имал координација со министерот за економија и труд, претседателот на Комисијата за заштита на конкуренцијата и директорот на Државниот пазарен инспекторат.

Скопје - Собранието денеска ја одржа 33. седница на која на натамошна постапка беше даден Предлог-законот за измени и дополнувања на Законот за инспекциски надзор, по скратена постапка, единствена точка на дневниот ред. Пратениците исто така во рамки на 27. седница ја ратификуваа и Спогодбата за Инструмент помеѓу Европската Унија претставувана од Комисијата и Република Северна Македонија претставувана од Владата на Северна Македонија, за посебни аранжмани за спроведување на поддршка од Унијата за Република Северна Македонија, во согласност со Инструментот за реформи и раст. 

Скопје - Полицијата вчера околу пладне лишила двајца турски државјани. Едниот бидејќи во возилото со кое управувал биле пронајдени две лица, исто така, турски државјани, кои илегално влегле во државата. Вториот е уапсен бидејќи во возило рент-а- кар со кое управувал биле пронајдени читири сириски мигранти.

Крива Паланка - Возач вчера попладне удрил во пешаци на обиколницата околу Крива Паланка, дел од магистралниот пат А2, Куманово - Крива Паланка, при што едно лице се здобило со тешки телесни повреди и се наоѓа во кома-центарот на клиниката во Скопје.

Според информациите од министерството за внатрешни работи, сектор за внатрешни работи Куманово, возачот побегнал од местото на настанот, по што наскоро бил пронајден и лишен од слобода.

Скопје -  Две пријателки кои патувале со лет од Париз во договор со македонски моден креатор кој престојува во Франција се обиделе во државава да криумчарат 16 луксузни чанти од брендот Loewe со вкупна вредност од 3,1 милион денари, информираат од Царинската управа.Кога слетале на Меѓународен Аеродром Скопје патничките се упатиле на зелен канал со намера нелегално да пренесат чанти од луксузни брендови и да избегнат плаќање давачки кон државата во висина од 924 илјади денари.

Дебар - На двата гранични премина „Блато“ и „Џепиште-Требиште“ на македонско - албанската граница кај Дебар, според статистиката на македонското министерство за внатрешни работи, регистрирана е рекордна фреквенција на патници или вкупно 885.425, што е за 122.341 патници  повеќе, споредено со претходната година.

Тетово – Градоначалникот на Тетово и претседател на партијата Движење Беса, Биљал Касами на новинарско прашање го критикуваше потегот на заменик премиерот и министер за односи меѓу заедниците Иван Стоиљковиќ поради приемот на Милорад Додик, претседателот на Република Српска во Босна и Херцеговина. 

Касами ја даде оваа изјава денеска пред настан во Тетово, каде општината организираше средба како дел од Унија на турските општини во светот.

Охрид - Младата средношколка Ева Ивановска од Делчево е добитничка на престижната награда за најдобра беседа за 2025 година на Конкурсот за најдобра беседа што го распишува НУ „Григор Прличев“ од Охрид.

Нејзиниот труд насловен „Чувај се себеси“ беше прогласен за најдобар на конкурсот за наградата што се доделува во чест на охридскиот и македонскиот поет и преродбеник Григор Прличев.

Скопје - Во лондонскиот музеј „Тејт Модерн“ денеска ќе биде прикажан филмот „Молкот на разумот“ на Кумјана Новакова проследен со разговор со авторката. Ова е трет значаен светски Музеј каде се прикажува „Молкот на разумот“, по Музејот на модерна уметност во Њујорк – МоМА (февруари, 2024) и центарот „Помпиду“ во Париз (март, 2024) каде филмот ја имаше својата француска премиера во рамки на филмскиот фестивал „Синема ду реел“.

Денешната проекцијата на „Молкот на разумот“ во престижниот „Тејт Модерн“ во Лондон е британска премиера на филмот.

Скопје - Градоначалникот на Општина Кисела Вода Орце Ѓорѓиевски денеска изврши увид во завршните активности за изградба на првиот затворен спортски објект во населбата Пинтија. Салата, која има површина од околу 350 метри квадратни, лоцирана е во рамки на ПОУ „Рајко Жинзифов“, каде со години наставата по физичко образование се одвивала во несоодветни и супстандардни услови.  

Белград - Директорот на српската владина канцеларија за Косово, Петар Петковиќ денеска оцени дека „косовскиот премиер Албин Курти може само да сонува дека официјален Белград ќе го признае независно Косово, исто како што сонува за т.н „Голема Албанија“.

-Имаме лоши вести за Курти - додека на чело на Србија е претседателот Александар Вучиќ, официјален Белград никогаш нема да го признае т.н. независно Косово, а Курти може само да сонува за тоа, како што сонува за таканаречената „Голема Албанија“ чии знамиња толку страсно ги вее на своите митинзи, но тука завршува се, рече Петковиќ во изјавата.

Москва - Русија го цени и негува пријателството со Србија и сака таа да ги реши сите проблеми што е можно поскоро и да се врати на мирен, систематски развој, изјави денеска портпаролот на Кремљ, Дмитриј Песков.

-Србија ни е драга земја. Ние сме врзани со заеднички историски корени, го цениме нашето пријателство, нашата соработка и ќе продолжиме да соработуваме. И им посакуваме на нашите српски браќа да ги решат сите проблеми што е можно поскоро и да се вратат на мирот, нагласи Песков, пренесуваат руските медиуми.

Берлин - Двете најголеми германски христијански цркви заеднички ги осудија плановите на опозицискиот лидер Фридрих Мерц да донесе предлози за миграциската политика во германскиот Парламент со помош на екстремно десничарската Алтернатива за Германија (АфД).

Пред гласањето закажано за денеска, водечките претставници на Католичката црква и Протестантската црква во Германија предупредија дека „германската демократија ќе претрпи огромна штета“ доколку се распадне таканаречениот „заштитен ѕид“ што ја спречува соработката со АфД.

Вашингтон - Американскиот претседател Доналд Трамп побара од Илон Маск и Спејс Икс да „одат“ по двајца астронаути кои беа „напуштени во вселената од администрацијата на Бајден“.

Астронаутите на НАСА, Бери Вилмор и Сунита Вилијамс пристигнаа на Меѓународната вселенска станица (ISS) на 6 јуни минатата година. Мисијата требаше да трае една недела, но речиси осум месеци подоцна, Вилмор и Вилијамс се уште се во вселената поради проблеми со капсулата Старлајнер на Боинг.

Пекинг – Кина и Индија го прекинаа купувањето на руска нафта во март, бидејќи американските санкции ги зголемуваат трошоците за испорака.

Вашингтон на 10 јануари воведе нови санкции насочени кон рускиот синџир на снабдување со нафта, со што цените на превозот со танкери се зголемија бидејќи некои купувачи и пристаништа во Кина и во Индија ги избегнуваа санкционираните бродови.

Штутгарт – Германската полиција во Штутгарт приведе 59 навивачи на Пари Сен-Жермен пред вечерашниот меѓусебен дуел во Лигата на шампионите. 

Според „RMC Sport“, ситуацијата во центарот на Штутгарт синоќа била тензична поради активноста на ултрасите од двата тима, а навивачите на Штутгарт биле придружувани од околу 50 жестоки навивачи на Сент Етјен. Полицијата ги приведе гостинските навивачи за да спречи сериозни инциденти.

Њу Делхи – Речиси 40 тела однесени се во мртовечница во индиската држава Утар Прадеш по стампедото што се случи на фестивалот Маха Кумб Мела.

Локалните власти, речиси 12 часа по инцидентот, сè уште не го објавиле бројот на жртвите.

Претходно беше соопштено дека најмалку 15 луѓе загинаа во стампедо што се случи на аџилакот Маха Кумб Мела во Прајаграј, Утар Прадеш, додека илјадници верници пристигнаа на свето капење во реката Ганг по повод хиндускиот фестивал на Мауни Амавасија.

Кумб Мела е еден од најголем религиозен собир во светот, на кој присуствуваат милиони хинду верници од цела Индија за да се капат во светите реки Ганг и Јамуна.

Бенгалур - Пецкањето и слични непријатни чувства во нозете при спиењето, како и потребата да ги движите ноќе, може да бидат признак за тн. синдром на немирни нозе. Се работи за нарушување на спиењето и движењата, бидејќи симптомите се јавуваат при одмор.

Симптомите може да се движат од благи до потешки. Човекот ги доживува како нагон да ги движи нозете во сон. Д-р Суџит Кумар, невролог и епилептолог од Бенгалур, Индија, вели дека состојбата може да се јави како последица од анемија со недостаток на железо, откажување на бубрезите, невропатија, а понекогаш, синдромот може да се појави и без специфична причина.