29 јануари 2025 

Скопје - Општина Аеродром и годинава доделува еднократна парична помош за новороденчиња во висина од 8 000 денари. Барање за парична помош можат да поднесат семејствата со новороденче родено во 2025 година на подрачјето на Општина Аеродром.

-Потребни документи за аплицирање: Фотокопија од извод од матичната книга на родените (за новороденчето) или за посвоено дете: фотокопија од извод од матичната книга на родените (за новороденчето) и фотокопија од примерок од Решение за посвојување/адoпција, на увид важечка лична карта или патна исправа од барателот, Барање за доделување еднократна парична помош и Изјава за согласност за обработка на лични податоци кои можат да се подигнат во Општина Аеродром или да се симнат од веб-страницата на Општината.

Скопје - Од ЈП Водовод и Kанализација-Скопје соопштија дека денеска поради уличен дефект на ул. „Париска Комуна“ 29 прекинато водоснабдување ќе имаат корисниците од истата улица и дел од улиците „Жан Жорез“, „Беровска“ и „Пехчевска“.

Прекинот со водоснабдување ќе почне од 10.20 часот до завршување на работните обврски.

Скопје - Корисниците од ул. „Васил Ѓоргов“ во Центар и од „Јуриј Гагарин“ во Карпош утре (30 јануари) од 9 до 14 часот ќе немаат струја поради планирани зафати на електродистрибутивната мрежа.

По добиено известување од ЕВН Македонија АД, РЦУК-Скопје информира дека од 9 до 15 часот утре без електрична енергија ќе бидат и дел од корисниците во Стопански двор - Волково и од 9 до 14:30 часот корисниците од ул. „Сагудати“ во општина Ѓорче Петров. 

Скопје - Од 09:30 часот утрово без вода ќе бидат корисниците од село Драчево поради изведување водоводен приклучок ф 100 мм на улицата „Речиште“ бб, информира РЦУК - Скопје. Прекинот ќе трае до завршување на зафатот.

Според РЦУК - Скопје, во текот на денот ќе има и прекини на струја. Од 09:00 до 15:00 часот електрична енергија нема да имаат корисниците на дел од улицата „Саса“ 2 и дел од улицата „Саса“ 4 во општина Кисела Вода, како и дел од корисниците во село Побожје, општина Чучер Сандево. Од 09:00 до 14:00 часот без струја ќе бидат дел од улиците „Народен Фронт“ и „Васил Говров“ во општина Центар, додека од 10:00 до 13:00 часот ОУ „Петар Поп Арсов“ во општина Карпош.