Луис Енрике: Нема проблем меѓу мене и Мбапе
- Тренерот на Пари Сен Жермен, Луис Енрике негираше дека се скарал со ѕвездата на тимот, Килијан Мбапе. Напаѓачот синоќа на натпреварот против Нант беше оставен на клупата, а по неговото појавување на теренот реализираше пенал за конечни 2:0.
![Луис Енрике: Нема проблем меѓу мене и Мбапе](https://mia.mk/index.php/images/20240218094632_big_730x400_52.webp )
Париз, 18 февруари 2024 (МИА) - Тренерот на Пари Сен Жермен, Луис Енрике негираше дека се скарал со ѕвездата на тимот, Килијан Мбапе. Напаѓачот синоќа на натпреварот против Нант беше оставен на клупата, а по неговото појавување на теренот реализираше пенал за конечни 2:0.
Многумина одлуката на Луис Енрике ја поврзаа со веста дека Мбапе ќе го напушти ПСЖ на крајот на сезоната, но стручњакот рече дека причината е поинаква.
- Мбапе? Одлично се согласуваме со него. Воопшто нема никаков проблем. Сакавме да направиме некои ротации во составот. Добро е навивачите да ги видат сите играчи кои се вклучени и придонесуваат. Добро се браневме и одзедовме многу топки“, изјави шпанскиот тренер по мечот.
Мбапе има 31 гол во сите натпреварувања од почетокот на сезоната.дс
Фото: Фејсбук/ПСЖ