Мадрид, 7 мај 2021 (МИА) - Петтиот светски рекет Стефанос Циципас вчеравечер во третото коло на Мастерсот во Мадрид загуби од Каспер Руд - 6:7, 4:6. Гркот загуби за прв пат оваа сезона пред четвртфиналето. Претходно, тој стигна до четвртфиналето во Марсеј и Мајами, полуфиналето на Австралија опен и Ротердам, до финалето во Акапулко и Барселона, а исто така го освои Мастерсот во Монте Карло. Руд, пак, по трет пат победи противник од Топ 10 и за првпат совлада Топ 5 тенисер. Норвежанецот по трет пат се пласираше во четвртфиналето на Мастерс. Негов следен ривал е Александар Бублик од Казахстан. зс/