Путин: Не е можен прекин на огнот пред почетокот на мировни преговори со Украина
- Претседателот на Русија, Владимир Путин денеска изјави дека не е возможен прекин на огнот пред да почнат мировни преговори со Киев
![Путин: Не е можен прекин на огнот пред почетокот на мировни преговори со Украина](https://mia.mk/images/20240704171153_big_730x400_31.webp )
Москва, 4 јули 2024 (МИА) - Претседателот на Русија, Владимир Путин денеска изјави дека не е возможен прекин на огнот пред да почнат мировни преговори со Киев.
- Едноставно не можеме сега да прогласиме прекин на огнот со надеж дека другата страна ќе преземе некои позитивни чекори, посочи Путин.
Тој додаде дека е неопходно Украина да се согласи да преземе чекори што се неповратни и прифатливи за Русија.
- Не можеме да дозволиме непријателот да го искористи овој прекин на огнот и потоа да ја подобри својата позиција – да се вооружат, да се опремат со помош на присилна мобилизација и да се подготват за продолжување на вооружениот конфликт, истакна Путин.
Според него невозможно е да се стави крај на конфликтот со Украина преку посредници. ми/
фото: ЕПА