НАТО сојузниците се договорија за соработка околу набавката на мини во регионот на Балтичко Море
- Германија и пет други сојузници на НАТО во регионот на Балтичкото Море планираат заедно да купат повеќе морски мини.
![НАТО сојузниците се договорија за соработка околу набавката на мини во регионот на Балтичко Море](https://mia.mk/images/20240709174328_big_730x400_32.webp )
Вашингтон, 9 јули 2024 (МИА) - Германија и пет други сојузници на НАТО во регионот на Балтичкото Море планираат заедно да купат повеќе морски мини.
„Морските мини се „многу ефикасен начин за одвраќање на агресорот на море и тие се исклучително важна способност наспроти руската агресија“, рече германскиот министер за одбрана Борис Писториус.
Писториус потпиша декларација пред самитот на НАТО во Вашингтон. Данска, Финска, Норвешка, Полска и Шведска се исто така дел од договорот за заедничка набавка и одржување на морски мини во регионот.
Балтичкото Море е оценето од аналитичарите на НАТО како потенцијална точка на конфликтот со Русија и Алијансата го засили своето присуство на исток по целосната руска инвазија на Украина во 2022 година. рп/
Фото: МИА архива