ЕУ бара да се казнат извршителите на нападите врз УНРВА
- Европската унија го осуди нападот врз комплексот на УНРВА во Источен Ерусалим.
Брисел, 10 мај 2024 (МИА) – Европската унија го осуди нападот врз комплексот на УНРВА во Источен Ерусалим.
- Сторителите мора да одговараат, напиша шефот за надворешна политика на ЕУ, Жозеп Борел на X.
- Одговорност на Израел е да ја обезбеди сигурноста на хуманитарните работници, додаде тој, нарекувајќи ја агенцијата на ОН за палестинските бегалци „незаменлив спас за милиони луѓе во Газа и регионот“. јт/