Shkup, 7 shkurt 2025 (MIA) - Moti në mëngjes do të jetë i ftohtë me kushte për paraqitje të mjegullës nëpër lugina. Gjatë ditës, moti do të jetë me diell dhe me vranësira të ulëta deri mesatare në rritje në pjesët lindore dhe juglindore. Do të fryjë erë e dobët deri mesatare nga drejtimi juglindor, paralajmëroi Drejtoria për Punë Hidrometeorologjike.

Temperatura minimale do të jetë në interval prej -6 deri 3, ndërsa maksimalja do të jetë prej 3 deri 9 gradë.

Në Shkup do të jetë ftohtë me kushte për paraqitje të mjegullës së dobët, gjatë ditës kryesisht me diell dhe vranësira të vogla. Do të fryjë erë e lehtë deri mesatare nga drejtimi juglindor. Temperatura minimale do të ulet deri -3, ndërsa maksimalja do të arrijë në 9 gradë.

Në ditët në vijim do të kemi mot stabil dhe të thatë me mëngjese të ftohta, në disa vende me temperatura negative të mëngjesit, ndërsa temperaturat ditore do të jenë brenda kufijve të mesatares për këtë periudhë të vitit. Herë pas here në mëngjes në lugina dhe veçanërisht përgjatë Vardarit do të ketë kushte për paraqitje të mjegullës së mëngjesit dhe rritje të vranësirave të ulëta.

Foto: arkivi i MIA-s