Dy gra humbën jetën gjatë përmbytjeve në Konektikat
- Nga përmbytjet në shtetin federal Konektikat jetën e kanë humbur dy gra, pasi që shirat e dendur dëmtuan rrugë dhe rrëzuan drunjë, duke detyruar shpëtimtarët të nxjerrin disa prej viktimave nga ujërat e mbledhur me varkë, kumtuan autoritetet lokale.
![Dy gra humbën jetën gjatë përmbytjeve në Konektikat](https://mia.mk/index.php/images/20240820084551_big_730x400_40.webp )
Uashington, 20 gusht 2024 (MIA) - Nga përmbytjet në shtetin federal Konektikat jetën e kanë humbur dy gra, pasi që shirat e dendur dëmtuan rrugë dhe rrëzuan drunjë, duke detyruar shpëtimtarët të nxjerrin disa prej viktimave nga ujërat e mbledhur me varkë, kumtuan autoritetet lokale.
Shiu gjatë fundjavës shkaktoi përmbytje të mëdha në pjesën perëndimore të Konektikatit duke çuar në daljen e lumit Litll në qytetin e Oksfordit rreth 65 kilometra në jugperëndim të Hartfordit.
Në dy incidente të ndara të dielën, një grua humbi jetën në makinën e saj, ndërsa tjetra humbi jetën përderisa përpiqej të shpëtojë nga përmbytjet, deklaroi shefi i zjarrfikësve të Oksfordit, Skot Peletie në një konferencë për shtyp.
Në të dyja rastet, zjarrfikësit ishin në vendngjarje duke u përpjekur të shpëtonin gratë kur ujërat e përmbytjeve i morën viktimat, tha Peletie.
Trupat e viktimave janë gjetur dje.
Guvernatori Ned Lamont i cili e quajti stuhinë "historike", shpalli gjendjen e jashtëzakonshme për të shpejtuar rimëkëmbjen e shtetit.
"Ky është vetëm një rast se ne duhet të qëndrojmë së bashku në një moment si ky", tha Lamont.
Policia e shtetit ishte në gjendje të përdorte varka për të shpëtuar personat e bllokuar në dy lokacione të veçanta. rq/
Foto: X