Јунајтед блиску до првото зимско засилување?
- Претставниците на португалскиот тим се во Англија од вчера и се во активни разговори, при што договорот се проценува на околу 60 милиони евра. Можно е играч на „црвените ѓаволи“ да се упати к
![Јунајтед блиску до првото зимско засилување?](https://mia.mk/index.php/images/20221103164439_big_730x400_26.webp )
Манчестер, 11 јануари 2020 (МИА) - Манчестер јунајтед е близу до привлекување на капитенот на Спортинг Лисабон, Бруно Фернандеш, според извештаите на медиумите во обете држави.
Претставниците на португалскиот тим се во Англија од вчера и се во активни разговори, при што договорот се проценува на околу 60 милиони евра. Можно е играч на „црвените ѓаволи“ да се упати кон Лисабон, но поверојатно е дека ќе биде изнајмен, при што најчесто спомнувано име е Маркос Рохо, кој е поранешен играч на тимот.
Манчестер јунајтед покажа голем интерес за Фернандеш во текот на летото, но тогаш не беше постигнат договор, а Јунајтед се насочија кон други цели да го засилат средниот ред, но тие не беа привлечени.
Сериозните проблеми кои произлегуваат од повредите на Пол Погба и Скот Мектомини го убедија Оле Гунар Солскјер дека му треба итно засилување, а тоа даде нов поттик за интересот на Манчестер Јунајтед.
Развој на случајот се очекува во наредните денови.