Шумски пожар кај грчкиот град Литохоро – порака за евакуација до граѓаните што се во близина
- Шумски пожар избувна во близина на грчкиот град Литохоро во областа Пиериа, а преку бројот 112 за итни случаи беше испратена порака до сите оние кои се наоѓаат во местото Плака да се евакуираат кон Катерини и Лептокарија, јави дописничката на МИА од Атина.
![Шумски пожар кај грчкиот град Литохоро – порака за евакуација до граѓаните што се во близина](https://mia.mk/index.php/images/20240818134248_big_730x400_27.webp )
Атина, 18 август 2024 (МИА) – Шумски пожар избувна во близина на грчкиот град Литохоро во областа Пиериа, а преку бројот 112 за итни случаи беше испратена порака до сите оние кои се наоѓаат во местото Плака да се евакуираат кон Катерини и Лептокарија, јави дописничката на МИА од Атина.
Во гаснењето на пожарот интервенираат 18 пожарникари со седум возила, два авиони и еден хеликоптер, а помагаат и цистерни од општините.
Според локалните медиуми, поради силниот ветер огнените јазици брзо се шират и веќе е предизвикана штета на една куќа.
Од грчката железница информираа дека поради пожарот привремено е во прекин железничкиот сообраќај во конкретниот регион. ср/