Можен е уште еден силен земјотрес на Камчатка
- Институтот за вулканологија на Руската академија на науките предупреди дека на полуостровот Камчатка во рок од 24 часа можен е нов земјотрес со интензитет од девет степени според Рихтеровата скала
![Можен е уште еден силен земјотрес на Камчатка](https://mia.mk/index.php/images/20240818203629_big_730x400_35.webp )
Москва, 18 август 2024 (МИА) - Институтот за вулканологија на Руската академија на науките предупреди дека на полуостровот Камчатка во рок од 24 часа можен е нов земјотрес со интензитет од девет степени според Рихтеровата скала.
Предупредувањето е издадено откако на Камчатка денеска беше регистриран земјотрес со интензитет од седум степени, по што еруптираше вулканот Шивелуч, исфрлајќи пепел во висина од пет километри.
Исто така еруптираше и вулканот Ебеко на Курилските Острови и исфрли пепел до висина од 2,5 километри.
Но, не е експлицитно наведено дали земјотресот ги предизвика ерупциите на вулканите.
Полуостровот Камчатка е едно од сеизмички најактивните области во светот поради дејството на пацифичките и северноамериканските тектонски плочи. ми/
фото: МИА архива