Одржано второто полуфинале на Евровизија
- Натпреварувањето го продолжуваат Албанија, претставена од Албина и „Фамиља Келменди“ со „Duje“, како и „Џокер аут“ од Словенија со песната „Carpe Diem“.
![Одржано второто полуфинале на Евровизија](https://mia.mk/index.php/images/20230512091812_big_730x400_60.webp )
Ливерпул, 12 мај 2023 (МИА) - Во Ливерпул синоќа се одржа второто полуфинале на 67. издание на Изборот на песна на Евровизија, па познати се последните 10 земји учеснички во Големото финале в сабота.
Така, натпреварувањето што годинава се одржува во Велика Британија го продолжуваат Албанија, претставена од Албина и „Фамиља Келменди“ со „Duje“, како и „Џокер аут“ од Словенија со песната „Carpe Diem“. Во финалето ќе настапат и Кипар, Естонија, Белгија, Австрија, Литванија, Полска, Австралија и Ерменија.
Грција, Романија, Грузија, Данска, Исланд и Сан Марино испаднаа од натпреварот. си/
Фото: МИА архива.