Миовски се здоби со посериозна повреда
- Македонскиот фудбалски репрезентативец и член на Абердин, Бојан Миовски има тешка повреда заработена синоќа на натпреварот со Сент Мирен во 37.коло од првенството на Шкотска.
![Миовски се здоби со посериозна повреда](https://mia.mk/index.php/images/20230525080731_big_730x400_73.webp )
Абердин, 25 мај 2023 (МИА) - Македонскиот фудбалски репрезентативец и член на Абердин, Бојан Миовски има тешка повреда заработена синоќа на натпреварот со Сент Мирен во 37.коло од првенството на Шкотска.
Се играше 31.минута кога врз Миовски грубо стартуваше Тјери Смол кој по прегледување на ВАР доби црвен картон.
Подетално за повредата на Миовски ќе се знае во текот на денот, но сигурно е дека за закрепнувањето на левиот скочен зглоб ќе треба подолго време.
Инаку, Абердин го доби натпреварот со 3:0 и се зацврсти на 3. место во поредокот. зс/
Фото: ЕПА