Енрике: Очигледно Мбапе нема да биде во ПСЖ во иднина
- Тренерот на ПСЖ, Луис Енрике, ги коментираше гласините за заминувањето на парискиот напаѓач Килијан Мбапе на крајот од сезоната 2023/24.
![Енрике: Очигледно Мбапе нема да биде во ПСЖ во иднина](https://mia.mk/index.php/images/20240306072804_big_730x400_62.webp )
Париз, 6 март 2024 (МИА) - Тренерот на ПСЖ, Луис Енрике, ги коментираше гласините за заминувањето на парискиот напаѓач Килијан Мбапе на крајот од сезоната 2023/24.
- Очигледно, Килијан Мбапе нема да биде во ПСЖ во иднина, па ќе мора да тестираме тактика со други играчи, го цитира Енрике, новинарот Фабрицио Романо.
Претходно беше објавено дека Мбапе најверојатно ќе го напушти ПСЖ на крајот на сезоната, кога ќе му заврши договорот со клубот. Се очекува тој да стане играч на Реал Мадрид.
Оваа сезона Мбапе одигра 34 натпревари во сите натпреварувања, постигна 34 голови и седум асистенции.
Порталот „Трансфермаркт“ ја проценува вредноста на 25-годишниот напаѓач на 180 милиони евра. зс/
Фото: ЕПА