Грковска - Аксинте: Унапредување на соработката со Романија за креирање на антикорупциски политики
- Заменичката на претседателот на Владата зaдолжена за политики за добро владеење Славица Грковска денеска се сретна со Адела Моника Аксинте, амбасадорка на Романија во Северна Македонија.
![Грковска - Аксинте: Унапредување на соработката со Романија за креирање на антикорупциски политики](https://mia.mk/index.php/images/20221113222354_big_730x400_1.webp )
Скопје 16 септември 2022 (МИА) - Заменичката на претседателот на Владата зaдолжена за политики за добро владеење Славица Грковска денеска се сретна со Адела Моника Аксинте, амбасадорка на Романија во Северна Македонија.
На средбата се разговараше за можноста за унапредување на соработката меѓу Северна Македонија и Романија, посебно во областа на креирање на антикорупциски политики и на добро владеење, како и за споделување корисни искуства од Романија во процесот на пристапување кон ЕУ, соопшти владината прес-служба.
Вицепремиерката Грковска се заблагодари за пријателството и поддршката од Романија и посочи дека Кабинетот за креирање на политики за добро владеење е фокусиран на неколку проекти поврзани со антикорупциски политики и интегритет кои ќе се реализираат во следниот период.
Амбасадорката Аксинте го поздрави почетокот на скрининг процесот за членство на Северна Македонија во Европската Унија и посочи дека нашата земја може да очекува експертска поддршка од Република Романија во имплементирање на реформите потребни за остварување на евро-интеграциските процеси.
Во однос на отворање на преговорите со ЕУ, Грковска се заблагодари за искрената и пријателска поддршка од Романија.
Вицепремиерката Грковска и амбасадорката Аксинте се согласија дека двете земји треба да продолжат да ги одржуваат добрите односи и да работат на унапредување на соработката, која е во интерес на сите граѓани во двете земји.са/
Вицепремиерката Грковска и амбасадорката Аксинте се согласија дека двете земји треба да продолжат да ги одржуваат добрите односи и да работат на унапредување на соработката, која е во интерес на сите граѓани во двете земји.са/