Вилијамс размислува да го замени Сарџент по холандското Гран при
- Возачот на Вилијамс, Логан Сарџент, би можел да биде сменет по денешната трка од Формула 1 шампионатот за Големата награда на Холандија.
![Вилијамс размислува да го замени Сарџент по холандското Гран при](https://mia.mk/index.php/images/20240825120924_big_730x400_60.webp )
Зандворт, 25 август 2024 (МИА) - Возачот на Вилијамс, Логан Сарџент, би можел да биде сменет по денешната трка од Формула 1 шампионатот за Големата награда на Холандија.
Сарџент во Зандворт доживеа несреќа. Тој на последниот слободен тренинг излета од патеката и целосно му го уништи автомобилот.
Според „Auto Motor und Sport“, 15-та етапа од Формула 1 би можела да биде последна во кариерата на 23-годишниот Американец.
Еден од кандидатите за место во Вилијамс е поранешниот возач на Хас и резервен возач на Мерцедес, Мик Шумахер. Тимот размислува и за резервниот возач на РБ, Лиам Лосон.
Од 2025 година за Вилијамс ќе се натпреварува Карлос Саинц, кој моментално е во Ферари. Сарџент треба да го напушти тимот на крајот на 2024 година. зс/
Фото: ЕПА