Вевчани, 28 декември 2023 (МИА) - Со пет гласа „за“ и четири воздржани, Советот на Општина Вевчани го изгласа буџетот за 2024 година.

Според проектираното, Буџетот на Вевчани за идната година тежи 60 милиони денари.

- Реални приходи Општината има 11 милиони денари, а годинава за два милиони денари ни е намалено ДДВ-то од државата, информира градоначалникот Спасе Кочовски.

Буџетот, како што појасни, е предвиден за реални трошоци, додека реализацијата на предвидените проекти Општина Вевчани ја обезбедува преку аплицирање на јавни повици и меѓународни проекти. сс/сст/

Фото МИА