Снегот го отежна одвивањето на сообраќајот во Голо Брдо и Гора, каде неколку села се без електрична енергија
- Во областите Голо Брдо и Гора, Република Албанија, населени со Македонци, снегот кој паѓа со несмален интензитет, како и во другите делови на земјата, пред сè во северниот и северисточниот дел, почна да ги предизвикува првите проблеми
![Снегот го отежна одвивањето на сообраќајот во Голо Брдо и Гора, каде неколку села се без електрична енергија](https://mia.mk/images/20231125143936_big_730x400_79.webp )
Тирана, 25 ноември 2023 (МИА) – Во областите Голо Брдо и Гора, Република Албанија, населени со Македонци, снегот кој паѓа со несмален интензитет, како и во другите делови на земјата, пред сè во северниот и северисточниот дел, почна да ги предизвикува првите проблеми.
Според албанските надлежни служби во Гора, каде снежната покривка е 20 сантиметри, освен потешкотииите во одвивањето на сообраќајот, има прекин во снабдувањето со електрична енергија.
Поради искинати проводници без струја се неколку села меѓу кои и најголемите, Шиштевац и Топојан.
Поради остатоци од кашест снег на автопатот „Патот на Арбр“ (Руга е Арбрит) преминот „Блато“ кај Дебар до Тирана, албанската полиција препорачува внимателно возење и строго почитување на патната сигнализација. вт/ми/