Варшава, 20 август 2025 (МИА) – Неидентификуван објект падна и експлодираше во поле во источна Полска, во близина на границата со Украина, соопштија локалните власти.

Според полицискиот извештај, нема повредени, но во селото Осини, во регионот Холм, била предизвикана материјална штета на неколку куќи.

Војската и полицијата ја обезбедуваат областа и истражуваат од каде потекнува објектот.

Случајот се случува во услови на зголемени тензии поради војната во Украина и претходните инциденти кога руски ракети залутаа на полска територија. ссм/

фото: архива/илустрација