Санкции за 96 возачи за брзо возење на територија на СВР Битола
- При акциска контрола за санкционирање возачи кои управуваат возило со брзина поголема од пропишаната, вчера во периодот од 14 до 20 часот на територија на СВР Битола се санкционирани 96 возачи.
Скопје, 1 април 2023 (МИА) - При акциска контрола за санкционирање возачи кои управуваат возило со брзина поголема од пропишаната, вчера во периодот од 14 до 20 часот на територија на СВР Битола се санкционирани 96 возачи.
Од нив, како што соопшти МВР, 40 возачи ја пречекориле брзината во населено место, а 56 надвор од населено место. На сите прекршители изготвени им се соодветни поднесоци.
-Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, наведуваат од МВР. мс/са/