Крива Паланка, 10 јуни 2024 (МИА) - Со Годишната програма за социјална, детска и здраствена заштита за 2024 година, Општина Крива Паланка првпат ќе овозможи бесплатен летен камп за деца од семејства во социјален ризик.

Објавен е јавен повикот е за пријавување деца од  7 до 14 години, ученици од второ до деветто одделение во двете основни училишта од градот: ООУ „Св.Јоаким Крчовски“ и ООУ „Илинден“. 

-Право на користење на годинашниот, прв, бесплатен летен одмор за дечиња од општината во соработка со Сојуз за грижи и воспитување на децата на Македонија, Скопје, имаат сите деца од: семејства корисници на гарантирана минимална парична помош - социјална помош, семејства на самохран родител и деца без родители и родителска грижа. До крај на тековната учебна година трае доставувањето пријави за бесплатниот седумдневен престој што ќе се одржи во Детското одмаралиште “Радости”, Охрид, од 07-13 август годинава. Одморот ќе вклучи: забавни, спортски и едукативни работилници и активности под  менторство на стручни лица, информира службата за комуникација со јавност во Општина Крива Паланка.

Рокот за пријавување е крајот на учебната година, заклучно со понеделник, 17 јуни, а сите информации, детали и формулари се достапни на веб страната на Општина Крива Паланка :https://www.krivapalanka.gov.mk/novosti/38117. ид/мч/

фото: МИА