• понеделник, 17 јуни 2024

Можно е Фицо да биде префрлен на лекување во Братислава

Можно е Фицо да биде префрлен на лекување во Братислава

Братислава, 17 мај 2024 (МИА) – На 20 мај во Словачка ќе се одржи совет за итна медицинска помош за здравствената состојба и соодветен третман на премиерот Роберт Фицо, кој пред два дена беше застрелан.

Лекарите ќе разговараат и за можното префрлање на Фицо, кој по атентатот беше опериран во болницата „Френклин Д. Рузвелт во Банска Бистрица, на понатамошно лекување во Братислава или во странство.

Новоизбраниот претседател на државата, Петер Пелегрини, вчера потврди дека состојбата на Фицо е стабилна, но „многу сериозна“.

На 15 мај Фицо беше застрелан во градот Хандалова додека се поздравуваше со насобраниот народ. Напаѓачот е познатиот словачки писател Јурај Цинтула, кој тврди дека пукал во Фицо бидејќи не се согласувал со политиката на Владата.

Словачкиот премиер се здоби со повреди во градите и стомакот и со хеликоптер беше пренесен во болница, каде му беше извршена операција. ми/

фото: ЕПА

Остани поврзан