Кузеска: Во над 40 општини раководени од ВМРО-ДПМНЕ речиси и да нема ниту еден капитален проект
Скопје, 1 април 2023
Една и пол години од мандатот на градоначалниците на ВМРО-ДПМНЕ е доволен период да се заклучи дека тие се најнеспособните градоначалници досега.
Во над 40 општини раководени од ВМРО-ДПМНЕ речиси и да нема ниту еден капитален, важен проект што е реализиран во овој период.
Но затоа има непродуктивно трошење на народните пари, задолжување на општините и поскапи комунални услуги за граѓаните.
Последна во низата општини кои ќе се задолжуваат е општина Прилеп која ќе издаде општинска обврзница од пет милиони евра, а за чие враќање со се камати ќе бидат потребни 7,5 милиони евра, пари од граѓаните.
Се задолжува и општина Гевгелија а претходно се задолжуваа и општините Аеродром, Гази Баба, Бутел…
Покрај тоа што ги задолжуваат општините, градоначалниците на ВМРО-ДПМНЕ удираат и по џебот на граѓаните.
Прилеп, Охрид, Велес, Зрновци, Штип се само дел од општините раководени од ВМРО-ДПМНЕ кои драстично ги зголемија цените на комуналните услуги за граѓаните.
Во општините предводени од ВМРО-ДПМНЕ нема реализирани проекти, но затоа има трошење на милиони евра за партиски вработувања во локалната власт и локалните комунални претпријатија.
Ова е учиникот на кадрите на ВМРО-ДПМНЕ и шпицниот градоначалник Христијан Мицкоски.
Една и пол година локална власт на ВМРО-ДПМНЕ е една година назадување на општините и долгови и поскапи услуги за граѓаните.
Разликата помеѓу одговорниот, чесен, домаќински пристап на СДСМ и деструктивното расипничко однесување на ВМРО-ДПМНЕ е јасна и очигледна.
Прес-конференција, Богданка Кузеска, портпаролка на СДСМ
Центар за комуникации со јавноста
________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
