Филаделфија, 26 јануари 2023 (МИА) - Центарот на Филаделфија Џоел Ембид се уште не одлучил за кој тим сака да игра следната сезона и ќе донесе одлука по завршувањето на тековното првенство.

- Често ми го поставуваат ова прашање. Во моментов сум фокусиран на сезоната во НБА, бидејќи имаме добри шанси да станеме шампиони. Сакам да се фокусирам на ова 100 проценти. Но, добро е што добив француско државјанство. Би било одлично да се освои шампионската титула со Сиксерс, а потоа да се освои Светското првенство летово или олимпиското злато следната година. Но, не знам што ќе се случи дотогаш, бидејќи по освојувањето на шампионската титула во НБА, можам да бидам многу уморен. Така што сè ќе зависи од моето тело. Сега сум фокусиран на НБА. Ќе донесам одлука по крајот на сезоната, изјави Ембид.

Минатата година камерунскиот кошаркар доби француско и американско државјанство. зс/