27 март 2024

На 26 март, тим на ЕМАК (Специјална единица за одговор при катастрофи) на Грчката противпожарна служба започна петдневна програма за интензивна обука на раководните лица на Дирекцијата за заштита и спасување и на Министерството за внатрешни работи на Северна Македонија во спасувачки операции од поплави и брзи води во Клисурата Матка.

Почетокот на обуката денеска од Клисурата Матка го поздравија г-дин Панче Тошковски, министер за внатрешни работи на преодната Влада на Северна Македонија, амбасадорката на Грција во Скопје, г-ѓа Софиа Филипиду, г-дин Беким Максути, шеф на Дирекцијата за заштита и спасување и г-ѓа Стелијана Нентера, директорка на регионалната канцеларија на УНДП во Истанбул, во присуство на г-дин Армен Григорјан, шеф на делегацијата на УНДП во Северна Македонија.

Програмата за развој на Обединетите нации (УНДП), во рамките на Програмата за подобрување на отпорноста кон поплави во Полошкиот регион, во соработка со Амбасадата на Грција во Скопје и со финансиска поддршка од Амбасадата на Швајцарија во Северна Македонија, ја поддржува соработката помеѓу двете земји за промовирање на политики за одговор при катастрофи.

Амбасада на Грција

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.