Во руските напади врз Украина загинаа најмалку три лица
- Најмалку две лица загинаа при рускиот напад врз југоисточниот украински регион Запорожје, а еден човек загина при ракетен напад врз централниот град Дњепар
![Во руските напади врз Украина загинаа најмалку три лица](https://mia.mk/images/20240903114758_big_730x400_35.webp )
Киев, 3 септември 2024 (МИА) – Најмалку две лица загинаа при рускиот напад врз југоисточниот украински регион Запорожје, а еден човек загина при ракетен напад врз централниот град Дњепар.
Еден од загинатите во Запорожје е осумгодишно момче, а две лица се повредени, од кои 12-годишно девојче кое е на интензивна нега.
Во текот на вчерашниот ден регистрирани се 313 напади и гранатирање на 11 населени места, при што беа оштетени неколку згради во Запорожје.
Руските сили, исто така, истрелаа проектили врз централниот град Дњепар, при што загина едно лице, а тројца се повредени. ми/
фото: ЕПА