Osmani priti komandantin e KFOR-it, gjeneralmajorin Ozkan Ulutash
- Presidentja e Republikës së Kosovës, Vjosa Osmani ka pritur sot në takim komandantin e KFOR-it, gjeneralmajorin Ozkan Ulutash.
![Osmani priti komandantin e KFOR-it, gjeneralmajorin Ozkan Ulutash](https://mia.mk/index.php/images/20240819133236_big_730x400_61.webp )
Prishtinë, 19 gusht 2024 (MIA)- Presidentja e Republikës së Kosovës, Vjosa Osmani ka pritur sot në takim komandantin e KFOR-it, gjeneralmajorin Ozkan Ulutash.
Në takim u diskutua për zhvillimet e fundit në fushën e sigurisë, përfshirë çështjen e hapjes së urës së Ibrit.
Presidentja Osmani ka përsëritur qëndrimin e saj se çështja e hapjes së urës nuk duhet assesi të bëhet temë e dialogut me Serbinë. Presidentja ka ritheksuar se hapja e urës si akt normalizimi e integrimi është në interes të të gjithë qytetarëve, pa dallim etnie. Në këtë drejtim, Osmani ka cekur rëndësinë e konsultimit dhe koordinimit në mes të institucioneve tona dhe partnerëve tanë të sigurisë, veçanërisht me NATO-n, në mënyrë që të ndërtohet plani i përbashkët i zbatimit për hapjen e urës për çdo qarkullim, që ka parasysh vlerësimet e sigurisë dhe interesat e qytetarëve tanë, thuhet në kumtesë.
Ndryshe, Osmani e falënderoi komandantin e KFOR-it, për angazhimin e tij personal, si dhe të gjithë ushtarëve të KFOR-it, për mirëmbajtjen e paqes dhe sigurisë në vend.