Hezbollahu ka lëshuar mbi 50 raketa në Rrafshnaltën e Golanit
- Grupi libanez Hezbollah lëshoi më shumë se 50 raketa që goditën shtëpitë në Lartësitë Golan të aneksuar nga Izraeli, raportuan mediat amerikane.
![Hezbollahu ka lëshuar mbi 50 raketa në Rrafshnaltën e Golanit](https://mia.mk/index.php/images/20240821150410_big_730x400_30.webp )
Bejrut, 21 gusht 2024 (MIA) - Grupi libanez Hezbollah ka lëshuar më shumë se 50 raketa që goditën shtëpitë në Rrafshnaltën e Golanit të aneksuar nga Izraeli, raportuan mediat amerikane.
Sulmi i sotëm ndodhi një ditë pasi sekretari amerikan i Shtetit, Entoni Blinken u takua me ndërmjetës nga Egjipti dhe Katari, duke vazhduar me një tjetër mision diplomatik në përpjekje për të ndërmjetësuar armëpushimin në luftën e Gazës, megjithëse Hamasi dhe Izraeli kanë sinjalizuar se sfidat mbeten.
Në njoftimin e tij, Hamasi e quajti propozimin e fundit të paraqitur si një "kthesë" të asaj që grupi kishte rënë dakord më parë dhe akuzoi SHBA-në për "kushte të reja" nga Izraeli.
Hezbollahu njoftoi se sulmi ishte në përgjigje të një sulmi izraelit thellë brenda territorit libanez mbrëmë që vrau një person dhe plagosi 19 të tjerë. Dje, Hezbollahu lëshoi më shumë se 200 raketa drejt Izraelit, pasi Izraeli goditi një depo armësh të Hezbollahut rreth 80 kilometra larg kufirit. qa/
Foto: Arkivi i MIA-s