Banjallukë, 21 gusht 2024 (MIA) - Personi i cili pas të shtënave në Sanski Most, ku mbetën të vrarë tre persona, është transferuar në Qendrën klinike të Republikës Serbe, ka plagë me armë zjarri në kraharor dhe planifikohet operacion, kanë thënë nga ky institucion shëndetësor.

Pacienti është dërguar në qendrën urgjente me vetëdije dhe i është nënshtruar diagnozës. Qendra klinike theksoi se të gjitha parashikimet e mëtejshme janë të parakohshme.

Siç u raportua më parë, tre persona kanë humbur jetën në të shtënat në një shkollë të mesme në Sanski Most pasi një punonjës i shkollës së mesme qëlloi drejtoreshën, sekretaren dhe mësuesin.

Sipas mediave lokale, burri ka hyrë në ambientet e shkollës me pushkë automatike dhe ka hapur zjarr, duke vrarë drejtorin Nijaz Haliloviq, mësuesen e anglishtes Gordana Mixhan dhe sekretaren e shkollës Nisveta Kluniq. Trupat e të vrarëve u transferuan në Qendrën shëndetësore Sanski Most. mb/

Foto: MIA