Сијарто: За време на унгарското претседателство ќе има најголемо проширување на ЕУ
- За време на унгарското претседателство ќе дојде до „најголемото проширување на Европската унија досега“, изјави министерот за надворешни работи Петер Сијарто.
![Сијарто: За време на унгарското претседателство ќе има најголемо проширување на ЕУ](https://mia.mk/index.php/images/20240220160919_big_730x400_6.webp )
Брисел, 20 ноември 2024 (МИА) - За време на унгарското претседателство ќе дојде до „најголемото проширување на Европската унија досега“, изјави министерот за надворешни работи Петер Сијарто.
Тој додаде дека за време на пристапните преговори фокусот ќе биде ставен на „актуелната состојба“ на кандидатите, а не на „попуштање пред политичките притисоци“, објави МТИ.
„Нема да дозволиме пристапните преговори на некои земји вештачки да се врзуваат со други земји. Нема да дозволиме пристапниот процес на која било земја што е поблиску до влез да зависи од земја која заостанува (во реформите)“, рече Сијарто во Брисел.
Тој додаде дека за време на претседавањето со ЕУ, Унгарија ќе и помогне на Србија да отвори нови поглавја за пристап и да затвори повеќе поглавја, како и Босна и Херцеговина, Грузија и Молдавија да започнат важни преговори.
„ЕУ треба да има нови членки кои можат да донесат свежина, нов моментум, како што се земјите од Западен Балкан, Грузија или Молдавија“, рече Сијарто.
Унгарија ќе претседава со ЕУ во втората половина на оваа година. паг/
фото: МИА архива