Лондон, 19 февруари 2024 (МИА) - Рој Хоџсон објави дека се повлекува од менаџерската функција на Кристал Палас.

На негово место доаѓа поранешниот шеф на Ајнтрахт Франкфурт - Оливер Гласнер.

- Разбирам дека со оглед на околностите би било подобро клубот да има можност подобро да ги планира работите за иднината и затоа донесов одлука да се повлечам, рече Хоџсон во официјалното соопштение.

„Орлите“ се на 16-тото место на табелата, на само 5 бода од опасната зона и се во серија од лоши резултати.

Вечерва тимот од Лондон му гостува на Евертон, а по мечот се очекува Гласнер да почне со работа.дс

Фото: Фејбук/Кристал палас