Израелска армија соопшти дека од Либан кон Израел биле истрелани 40 ракети
- Околу 40 ракети биле истрелани утрово од Либан кон Горна Галилеја и Голанската Висорамнина, соопшти израелската армија.
![Израелска армија соопшти дека од Либан кон Израел биле истрелани 40 ракети](https://mia.mk/index.php/images/20240820075838_big_730x400_25.webp )
Тел Авив, 20 август 2024 (МИА) – Околу 40 ракети биле истрелани утрово од Либан кон Горна Галилеја и Голанската Висорамнина, соопшти израелската армија.
Некои од ракетите биле пресретнати од противвоздушна одбрана, а засега нема извештаи за повредени, пишува Тајмс оф Израел.
Нападот се случи откако израелската армија синоќа нападна складиште за оружје на Хезболах длабоко на либанска територија.
Во тој напад е убиен истакнат оперативец на Хезболах, информира израелскиот портал. јт/
Фото: ЕПА архива