Делови на Измир под закана од шумски пожар
- Шумски пожар се движи кон станбените делови на турскиот град Измир. Во текот на ноќта од пет окрузи на Измир беа евакуирани 900 луѓе
![Делови на Измир под закана од шумски пожар](https://mia.mk/index.php/images/20240817122431_big_730x400_35.webp )
Анкара, 17 август 2024 (МИА) – Шумски пожар се движи кон станбените делови на турскиот град Измир. Во текот на ноќта од пет окрузи на Измир беа евакуирани 900 луѓе.
Огнот оштети 16 згради, а повредени се 78 луѓе, од кои 29 се хоспитализирани.
Хеликоптерите и авионите за гаснење на пожар утрово продолжија да се справуваат со огнот откако синоќа беа приземјени поради силниот ветер.
Турскиот министер за земјоделство и шумарство Ибрахим Јамакли изјави дека огнот зафатил површина од 1.600 хектари, а во гаснење на огнот учествуваат и два авиона и 11 хеликоптери.
Уште шест шумски пожари се регистрирани во Турција. ми/
фото: МИА архива