Тебуне: Алжир никогаш нема да ги остави палестинските територии „на цедило, армијата е подготвена да дејствува штом се отвори границата меѓу Газа и Египет
- Алжирскиот претседател Абделмаџид Тебуне во врска со ситуацијата во Газа изјави дека алжирската армија е подготвена да дејствува веднаш штом се отвори границата меѓу Газа и Египет.
![Тебуне: Алжир никогаш нема да ги остави палестинските територии „на цедило, армијата е подготвена да дејствува штом се отвори границата меѓу Газа и Египет](https://mia.mk/index.php/images/20240819121541_big_730x400_94.webp )
Aлжир, 19 август 2024 (МИА) - Алжирскиот претседател Абделмаџид Тебуне во врска со ситуацијата во Газа изјави дека алжирската армија е подготвена да дејствува веднаш штом се отвори границата меѓу Газа и Египет.
Тебуне нагласи дека Алжир никогаш нема да ги остави палестинските територии „на цедило“.
- Никогаш нема да ја напуштиме Палестина, особено Газа. Се колнам во Бога, ако ни дозволат и ги отворат границите меѓу Египет и Газа, тогаш можеме нешто да направиме, истакна Тебуне.
Тој рече и дека дал ветување кога е во прашање обновата на Газа.
- Дадов ветување и армијата е подготвена штом се отворат границите и им се дозволи влез на нашите камиони. Во рок од 20 дена ќе изградиме три болници, ќе испратиме стотици лекари и ќе помогнеме во обновата на она што го уништија ционистите рече алжирскиот претседател.
Тој, исто така, неколку пати ја изрази својата целосна поддршка за палестинскиот отпор, а оваа изјава особено ги вознемири израелските власти, кои порачаа дека испраќањето војска, дури и за хуманитарни цели, ќе доведе до дополнителна ескалација. рп/
Фото: МИА архива