Tiranë, 25 dhjetor 2025 (MIA) - Kompania ajrore kombëtare turke "Turkish erlajns" do t'ia transferojë pronësinë e një "Erbajs A319-115J", një aeroplan të modifikuar me një vlerë prej 11.9 milionë dollarë, qeverisë shqiptare sipas një marrëveshjeje dypalëshe për grant, si pjesë e përpjekjeve për të forcuar lidhjet diplomatike dhe ekonomike midis dy vendeve.

"Sipas marrëveshjes së publikuar sot në Gazetën Zyrtare, aeroplani, i regjistruar si TC-GVC me numër serik 1002 dhe i prodhuar në shkurt të vitit 2000, mbetet i certifikuar për operacione fluturimi", raportuan mediat shqiptare, duke cituar "Turkie tudej".

 Në marrëveshjen dypalëshe theksohet se donacioni ka për qëllim të forcojë "marrëdhëniet miqësore dhe bashkëpunimin e ngushtë" midis Turqisë dhe Shqipërisë, të vendosura fillimisht sipas Traktatit të Miqësisë, Fqinjësisë së Mirë dhe Bashkëpunimit të vitit 1992, me të dyja palët që shprehin dëshirën për të forcuar më tej këto lidhje përmes bashkëpunimit të ndërsjellë teknik dhe mbrojtës.

 "Marrëveshja pasqyron angazhimin e përbashkët të të dy vendeve për thellimin e partneriteteve institucionale në aviacionin civil, logjistikën e mbrojtjes dhe sektorët më të gjerë strategjikë, dhe gjithashtu shërben si një gjest simbolik i mbështetjes së Turqisë për përpjekjet e Shqipërisë për zhvillim dhe integrim rajonal", vlerëson Turkie tudej".

 Aeroplani do t'i dorëzohet qeverisë shqiptare pa asnjë detyrim financiar, ndërsa Turqia do të mbulojë edhe shpenzimet e transferimit.

 Foto: Turkish erlajns