Bishkek, 27 nëntor 2025 (MIA) - Presidenti rus Vlladimir Putin paralajmëroi një iniciativë për të nisur një program të madh për të pajisur aleatët në Organizatën e marrëveshjes së sigurisë kolektive (OMSK) me armë dhe pajisje ushtarake moderne ruse.

Në samitin e OMSK-së në Bishkek, Putini theksoi se Rusia do të vazhdojë bashkëpunimin e ngushtë me aleatët për të rritur gatishmërinë luftarake të kontingjenteve kombëtare dhe për të përmirësuar komandën dhe kontrollin e forcave kolektive, transmetoi TASS.

"Do t'i drejtojmë përpjekjet tona drejt rritjes së gatishmërisë luftarake të kontingjenteve kombëtare dhe përmirësimit të komandës dhe kontrollit të forcave kolektive", tha Putini, duke folur për udhëheqjen e Moskës me organizim në vitin 2026. 

Ai theksoi se në program do të përdoren pajisje të cilat "tashmë kanë provuar efektivitetin e tyre në situata reale luftimi". 

Udhëheqësia ruse e OMSK-së në vitin 2026 do të jetë nën moton: "Siguria kolektive në një botë multipolare: Qëllim i përbashkët - përgjegjësi e përbashkët". 

Moska planifikon të ruajë vazhdimësinë në fushat kryesore të bashkëpunimit dhe të zhvillojë marrëdhënie midis anëtarëve të parimeve të aleancës, miqësisë dhe respektit të ndërsjellë. rq/

Foto: EPA