Berlin, 14 mars 2025 (MIA) – Disa persona të panjohur kanë djegur katër automobila “Teslla” në rajonin e Berlinit, ndërsa policia vlerëson se bëhet fjalë për vepra kriminale me prapavijë politike. 

 “Katër automobila ‘Teslla’ plotësisht u dogjën në disa pjesë të ndryshme të Berlinit gjatë natës. Janë dëmtuar edhe pesë automjete në afërsi”, thuhet në kumtesën e policisë. 

Duke pasur parasysh se bëhet fjalë për vepra të mundshme kriminale me prapavijë politike, hetimin e mori Zyra Provinciale për Luftë Kundër Krimit. 

Kritikat ndaj pronarit të “Teslla”-s, Ilon Mask u intensifikuan pasi ai filloi bashkëpunim të ngushtë me presidentin amerikan Donald Tramp. 

Fabrika e Maskut në afërsi të Berlinit paraprakisht ishte cak i aktivistëve për shkak të shqetësimit se ndërtimi i fabrikës mund të ndikojë në sistemin ekologjik, veçanërisht në furnizimin me ujë në zonën në juglindje të Berlinit. fc/

Fotografia: Arkivi i MIA-s