Kopenhagë, 27 nëntor 2025 (MIA) - Qeveria daneze ka prezantuar një turn të veçantë nate në Ministrinë e Punëve të Jashtme për të monitoruar deklaratat dhe punën e presidentit të SHBA-së Donald Tramp, raporton gazeta britanike Gardian.

"Roja e Natës" fillon çdo ditë në orën 5 të pasdites dhe në orën 7 të mëngjesit i dërgon një raport qeverisë daneze dhe departamenteve përkatëse rreth asaj që tha dhe bëri Trampi.

Ndryshimi besohet se është futur pas një mosmarrëveshjeje diplomatike në pranverë midis Kopenhagenës dhe Uashingtonit mbi Grenlandën, kur presidenti amerikan kërcënoi të merrte kontrollin e ishullit Arktik.

Mediat daneze raportojnë se turni i natës është një nga disa shembuj se si diplomacia daneze dhe shërbimi civil i vendit janë detyruar të përshtaten me mandatin e dytë të Trampit.

"Mund të thuhet se situata në Grenlandë dhe diferenca kohore midis Danimarkës dhe SHBA-së ishin një faktor mjaft i rëndësishëm në futjen e këtij sistemi gjatë pranverës", tha për Gardian një burim i afërt me Ministrinë e Jashtme daneze.

Në vend që të gjithë të duhej të merrnin menjëherë telefonat e tyre për të ndjekur lajmet nga SHBA-ja, Ministria e Jashtme tha se kishte bërë një "përpjekje të përbashkët" për të qëndruar në rrjedhë me Trampin. sa/

Foto: MPJ e Danimarkës në Fejsbuk