15:00/ 26 prill/ 2026

Shkup - Pretendimet e LSDM-së opozitare, se ndryshimet kushtetuese duhet të bëhen me çdo kusht, sipas kryeministrit Hristijan Mickoskit, tregojnë se ata që tashmë një herë e kanë bërë këtë, ndërsa pa i sjellë asgjë të mirë shtetit, tani pa turp po u thonë qytetarëve të Maqedonisë se përsëri do t’i gjunjëzojnë, do t'u prekin shpirtrat për të fituar një milion tjetër, me çka duke nënshkruar gjithçka që u jepet.  "Pata mundësinë ta shihja atë ngjarje që LSDM-ja dje organizoi në kuadër të Kuvendit të Maqedonisë dhe ta dëgjoja atë deklaratë nga kryetari i LSDM-së, Venko Filipçe. Unë vetëm t'ju kujtoj, mendoj se në këtë bilbord këtu në vitin 2018, kur ndryshoi emrin e vendit me forcë, thuhej se do të kishim arsim ose shëndetësi më të mirë. Mendoj se ishte pikërisht këtu në këtë bilbord reklamash. A sollën kujdes shëndetësor falas kur ndryshuan emrin, a sollën arsim më cilësor, ekonomi më të mirë, pensione më të larta, bursa më të larta, a e sollën? Jo, vetëm disa njerëz kaluan nga të ndyrë në milionerë. Po këta horra të cilët u bënë milionerë, sot pa më të voglin turp, dalin para qytetarëve të Maqedonisë dhe u thonë se do t’ju ​​gjunjëzojmë përsëri, nëse na jepni mundësinë, do të luajmë përsëri me dinjitetin tuaj. Do të prekim përsëri në shpirtin tuaj, por do të fitojmë edhe një milion duke nënshkruar një fletë nëse na e vendosin në tryezë", theksoi Mickoski në përgjigje të pyetjes së gazetarëve gjatë një inspektimi të ndërtimit të Sallës Universale në Shkup. 

Shkup - Kryeministri Hristijan Mickoski beson se nëse Kushtetuta dhe ligjet e lejojnë, nuk do të kishte problem të kufizonte mundësinë e deputetëve që posedojnë nënshtetësi të dyfishtë, si dhe ta zgjeronte kufizimin edhe për degën ekzekutive dhe presidentin e shtetit. Ai thotë se nuk ka dhe nuk planifikon të ketë ndonjë nënshtetësi tjetër përveç asaj të Maqedonisë, dhe se një kufizim i tillë nuk e prek atë në asnjë mënyrë. 

Shkup - Sipas kalkulimeve të Qeverisë, sot pritet që nafta të shitet më lirë në pikat e karburantit edhe atë për dy deri në dy denarë e gjysmë, ndërsa për çmimin e benzinës pritet një rritje e vogël, deklaroi sot kryeministri Hristijan Mickoski i cili u përgjigj në pyetjen e gazetarëve në lidhje me masat e ndërmarra nga Qeveria. Mickoski tha se Maqedonia ka qenë shembull për dy muaj për mënyrën se si përballet me këtë krizë energjetike.

Shkup - Ministria e Arsimit dhe Shkencës me intensitet të përforcuar i zbaton reformat në arsim. Në pajtim me Agjendën e reformave, deri në dhjetor të vitit 2026 kemi obligim të arrijmë deri te numri prej 700 kompanive të përfshira në arsimin dual. Tanimë ky numër është tejkaluar dhe mbi 800 kompani janë përfshirë në përvetësimin e njohurive praktike të nxënësve drejtpërdrejtë tek punëdhënësi. Dhe ky numër do të rritet më tej, sepse kompanitë e shohin përfitimin e pjesëmarrjes në arsimim cilësor të kuadrove sipas nevojave të tyre, tha sot ministrja e Arsimit dhe Shkencës, Vesna Janevska.

Shkup – Rikonstruimi dhe modernizimi i një prej simboleve më të rëndësishme kulturore në qytetin e Shkupit – Sallës Universale, është projekt me rëndësi të jashtëzakonshme, sepse me imazhin e saj të ri qyteti do të ketë institucion kulturor bashkëkohor, funksional dhe përfaqësues, hapësirë për koncerte të nivelit të lartë, shfaqje teatrore, festivale, ngjarje të mëdha kulturore.  Projekti, rikonstruimi i të cilit është planifikuar të përfundojë deri në dhjetor të vitit 2027, është me rëndësi të madhe edhe në kontekst të përgatitjeve të Shkupit për kryeqytet evropian të kulturës 2028, ishte theksuar pas mbikëqyrjes së sotme të aktiviteteve ndërtimore në objekt nga ana e kryeministrit Hristijan Mickoski, ministrit të Kulturës dhe Turizmit, Zoran Lutkov dhe kryetarit të Shkupit, Orce Gjorgjievski. 

Shkup - Biznesi pret thellim të krizës dhe nëse ka nevojë, nga Qeveria do të kërkojë masa të targetuara. Siç tha sot kryetari i Odës Ekonomike Branko Azeski, tani për tani situata është nën kontroll. Masat e targetuara, siç tha Azeski, duhej të ndërmerren sipas zhvillimit të situatës. "Nëse goditen disa sektorë, nëse goditen degë të rëndësishme të caktuara të ekonomisë pa të cilat ekonomia e Maqedonisë nuk mund të funksionojë, duhet të vendosen masa të targetuara. Sa i përket asaj që do të thotë për qytetarët, ky është detyrim i Qeverisë dhe ne nuk ndërhyjmë këtu", Azeski është i prerë.

Shkup - Jane Çento, një prej të akuzuarve për rastin "27 Prilli", sot informoi se është parashtruar padi penale kundër ish-prokurorit publik me inicialet V.R. për shkak të dyshimeve për pengim të drejtësisë dhe keqpërdorimit të pozitës zyrtare dhe autorizimit. Çento informoi se në Prokurorinë publike janë parashtruar dokumente, dekalrata të verifikuara dhe ekspertiza, të cilat, sipas tij, hapin dyshime serioze për pengim të drejtësisë, presione ndaj dëshmitarëve dhe keqpërdorim të pozitës zyrtare gjatë procedurës gjyqësore. Sipas Çentos, padia është shoqëruar me dokumentacion voluminoz dhe dëshmi, të cilat, siç tha, seriozisht e sjellin në pikëpyetje mënyrën në të cilën janë zhvilluar hetimi dhe procesi gjyqësor për rastin "27 Prillin".

Shkup - Me rastin e shënimit të Ditës botërore të Lirisë së Mediave 3 Maj, Sindikata e Pavarur e Gazetarëve dhe Punonjësve Mediatikë dhe Shoqata e Gazetarëve të Maqedonisë më 29 prill organizon dhurim vullntar të gjakur të gazetarëve dhe punonjësve mediatikë. "Aksioni i katërt dhe tani më tradicional me të cilin demonstrojmë humanitet do të mbahet në disa lokacione në vend dhe për këtë qëllim, SPGM dhe SHGM u bëjnë thirrje të gjithë anëtarëve të tyre, si dhe mbështetësve dhe miqve, të përfshihen dhe të ndihmojnë në mbledhjen e lëngut më të çmuar, thuhet në njoftimin për shtyp të SPGM.

Shkup - Kryetari i Komunës së Butelit, Darko Kostovski, sot nënshkroi vendimin për pagesën e ndihmës së njëfishtë financiare për gjithsej 525 pensionistë nga komuna. Nga Vetëqeverisja lokale informojnë se pagesa do të realizohet sipas radhës së kërkesave të paraqitura dhe pritet të përfundojë deri në fund të kësaj jave. Komisioni përgjegjës për procesin vazhdon punën me qëllim realizimin në kohë dhe efikas.

Dibër – Këtë vit në haxh dhe për vizitë në vendet e shenjta myslimane, nga vendi ynë, do të shkojnë mbi dy mijë besimtarë, që është numër identik me vitin e kaluar, deklaroi për MIA-n, Irsal Jakupi, sekretar i përgjithshëm i Bashkësisë Fetare Islame.  “Numri është plotësuar sipas kuotës të cilën e caktoi Ministria e Haxhit në Arabinë Saudite dhe këtë vit do të ketë 2.020 besimtarë nga vendi, të cilët do të udhëtojnë drejt vendeve të shenjta, edhe pse ishin paraqitur më shumë. Numri është identik si edhe vitin e kaluar. Besimtarët do të udhëtojnë prej 14 deri më 21 maj, me fluturime çarter me aeroplan”, shtoi Jakupi. 

Shkup – Çmimi i shitjes me pakicë i dizelit prej sonte në mesnatë ulet për 2,50 denarë për litër, ndërsa i benzinave EUROSUPER BS – 95 dhe EUROSUPER BS – 98 rriten për 2,00 denarë për litër. Çmimi i shitjes me pakicë i Vajit ekstra të lehtë për amvisëri ulet për 1,000 denarë për litër, njoftoi KRRE.  Çmimi i shitjes me pakicë i Мazutit М-1 SU rritet për 0,368 den/kg dhe do të jetë 46,656 denarë për kilogram.

Shkup - Presidenti i Konfederatës së Zvicrës, Gi Parmelen të mërkurën (29 prill) do të qëndrojë për vizitë zyrtare në vend, me çka në Shkup do të ketë regjim të posaçëm komunikacioni, njofton MPB. Për shkak të vizitës, Njësia për siguri në trafikun rrugor do të marrë masa për regjim të veçantë në zonën qendrore të Qytetit të Shkupit.

Shkup - Deri në fund të javës në vend do të ketë mot me vranësira të ndryshueshme, shoqëruar me shira të përkohshëm lokal, njofton DPHM. Sipas paralajmërimeve, nesër dhe të mërkurën priten vranësira të paqëndrueshme me shira të rrëmbyeshëm dhe bubullima. Të enjten do të ketë shira më të dendur, ku për shkak të depërtimit të ajrit më të ftohtë nga veriu nëpër male do të ketë kushte që reshjet e shiut të kalojnë në borë. Do të fryjë erë mesatare deri e përforcuar nga drejtimi verior, ndërsa temperaturat do të bien ndjeshëm.

Prishtinë - Ushtruesja e detyrës së presidentes së Republikës së Kosovës, Albulena Haxhiu, ka marrë pjesë sot në Seancën e veçantë në shenjë nderimi për akademikun Rexhep Qosja. Në fjalën e saj, u.d presidentja Haxhiu ka thënë se sot, në këtë seancë përkujtimore, Kuvendi i Republikës së Kosovës nderon akademik Rexhep Qosjen, si njërin ndër njerëzit që e shndërroi kulturën shqiptare në hapësirë mendimi, polemike, vetëdijeje dhe përgjegjësie historike.

Bejrut - Lideri i grupit militant libanez Hezbollah, Naim Kasem, sot hodhi poshtë bisedimet e planifikuara të drejtpërdrejta të Libanit me Izraelin, duke i përshkruar ato si një "mëkat të rëndë" që do të destabilizonte vendin. "I hedhim poshtë kategorikisht bisedimet e drejtpërdrejta me Izraelin, ndërsa ata në pushtet duhet ta dinë se lëvizjet e tyre nuk do t'i sjellin dobi Libanit ose vetë atyre", tha Kasemi duke u bërë thirrje autoriteteve të "heqin dorë nga mëkati i rëndë që po e çon Libanin në një spirale paqëndrueshmërie", bën të ditur "Tajms of Izrael".