15:00/ 10 maj 2026 

Shkup– Ngjarja “Miqësia është pasuri”, e organizuar nga Shoqata „Autizëm AAMK“, do të mbahet sot në Shkup.Nga Shoqata theksojnë se dallimet bashkojnë dhe sqarojnë se te "Guaca" me fillim nga ora 11:00, do të mbahet një ngjarje për rritjen e ndërgjegjësimit për personat me zhvillim atipik, si dhe për pranimin, respektimin dhe përfshirjen e tyre në shoqëri.

Prishtinë- Seanca e parë në rastin kundër 21 personave me kombësi serbe, të cilët akuzohen në mungesë nga Prokuroria për Krime Lufte e Kosovës, është caktuar për 1 korrik, konfirmoi Gjykata Themelore në Prishtinë.Prokuroria Speciale e Kosovës ngriti një aktakuzë më 15 gusht të vitit të kaluar kundër një grupi individësh të dyshuar për dëbimin me forcë të më shumë se 800.000 civilëve shqiptarë gjatë konfliktit të viteve 1998 dhe 1999.

Zagreb – Në një kafene në qytetin kroat Krapina, sot në mëngjes ka ndodhur një të shtënë me armë zjarri ku janë përfshirë dy persona, dhe si pasojë është vrarë shefi i Shërbimit të Policisë Kriminale në DP Krapinë-Zagorje, njoftojnë mediat kroate.Drejtoria e Policisë së Krapinë-Zagorje ka njoftuar se një burrë (52) ka vrarë një polic (52) me armë zjarri, i cili nuk ishte në detyrë në momentin e incidentit.

Romë - Indeksi botëror i çmimeve të ushqimeve u rrit për të tretin muaj radhazi në prill, i nxitur nga rritja e shpenzimeve të energjisë dhe çrregullimet e tregut të shkaktuara nga konflikti në Lindjen e Mesme, theksoi në raportin e fundit Organizata e Ushqimit dhe Bujqësisë e OKB-së (FAO).Indeksi i çmimeve të ushqimeve i FAO-s ishte mesatarisht 130,7 pikë në prill, që është një rritje prej 1,6 për qind në krahasim me nivelin e rishikuar në mars dhe 2 për qind më i lartë se një vit më parë.

Madrid – Kroçerja që ndodhet në qendër të epidemisë së hantavirus ka mbërritur pranë Ishullit Tenerife, prej nga pritet të zbarkohen 147 pasagjerë, si pjesë e një operacioni ndërkombëtar të organizuar me kujdes për kthimin e tyre në vendet e origjinës.Anija "Hondius" do të ankorohet në portin Granadilla në Ishujt Kanarie, e më pas do të vazhdojë drejt Holandës.

Moskë - Presidenti rus Vladimir Putin mbrëmë deklaroi se sipas mendimit të tij konflikti ukrainas po i afrohet fundit dhe shtoi se do të takohet me Presidentin ukrainas Volodimir Zelenski vetëm kur të arrihet një marrëveshje paqeje e qëndrueshme.

Londër – Britania e Madhe kumtoi se po dërgon anijen e saj luftarake “Dragon” në Lindjen e Mesme si përgatitje për një veprim të mundshëm ndërkombëtar për mbrojtjen e lëvizjes së anijeve nëpër Ngushticën e Hormuzit.Shkatërruesi “Dragon”, i pajisur me sisteme të mbrojtjes ajrore, ishte dërguar në mars në Mesdheun Lindor, pak pas fillimit të luftës me Iranin, për të ndihmuar në mbrojtjen e Qipros.

Doha – Një tanker me gaz natyror të lëngshëm nga Katari ka kaluar me shumë gjasa nëpër Ngushticën e Hormuzit, duke shënuar eksportin e parë nga vendet e rajonit të Gjirit Persik që nga fillimi i luftës në Iranin, njoftoi sot Blumberg.Tankeri “Al Haraitijat”, i ngarkuar në objektin Ras Lafan më herët këtë muaj, është larguar nga ngushtica dhe aktualisht ndodhet në Gjirin e Omanit, ndërsa Pakistani është listuar si destinacioni i tij i radhës, sipas agjencisë për ndjekjen e anijeve.

Londër– Britania e Madhe kumtoi se po dërgon anijen e saj luftarake “Dragon” në Lindjen e Mesme si përgatitje për një veprim të mundshëm ndërkombëtar për mbrojtjen e lëvizjes së anijeve nëpër Ngushticën e Hormuzit.Shkatërruesi “Dragon”, i pajisur me sisteme të mbrojtjes ajrore, ishte dërguar në mars në Mesdheun Lindor, pak pas fillimit të luftës me Iranin, për të ndihmuar në mbrojtjen e Qipros.

Dubai – Një anije është përfshirë nga zjarri pranë bregdetit të Katarit pasi është goditur nga një raketë, njoftoi sot ushtria britanike.Qendra për operacione tregtare detare e Mbretërisë së Bashkuar (UKMTO) bëri të ditur se sulmi shkaktoi zjarr në një anije mallrash dhe se zjarri është shuar.

Nju-Jork – Izraeli ka ndërtuar një bazë sekrete ushtarake në shkretëtirë në pjesën perëndimore të Irakut para fillimit të luftës me Iranin dhe ka sulmuar forcat irakiane që për pak e zbuluan atë, raportoi “Uoll strit zhurnall”, duke iu referuar burimeve të informuara, përfshirë edhe përfaqësues amerikanë. Sipas gazetës amerikane, baza sekrete është ndërtuar pak para fillimit të luftës në Iranin dhe me dijeninë e Shteteve të Bashkuara të Amerikës. Ajo është përdorur nga forcat speciale izraelite edhe si bazë për ekipe shpëtimi në rast se aeroplanë izraelitë do të rrëzoheshin gjatë operacioneve mbi Iranin.

Islamabad - Të paktën 15 policë u vranë në një sulm vetëvrasës në një stacion policor në provincën veriperëndimore pakistaneze Hajber Pahtunva, e cila kufizohet me Afganistanin, njoftoi DPA, duke iu referuar personave zyrtarë. Sulmi ndodhi në qarkun Banu, ku terroristët vonë natën me një automjet plot me eksplozivë goditën stacionin policor. Pas sulmit ka pasur një përleshje intensive me armë zjarri.