Shkup, 22 nëntor 2025, (MIA) - Gjatë viteve 2024-2025, deklaratat e Donald Trampit për gjykatësit dhe sistemin e drejtësisë u bënë një nga shenjat dalluese të paraqitjeve të tij publike. Ja se si bisedon Trampii, respektivisht, u drejtohen disa gjykatësve, gjë që është veçanërisht interesante për ne nëse marret parasysh se si gjykatësit tanë me dy për qind besim janë të ndjeshëm kur dikush komenton punën e tyre (për shembull, Kryeministri Mickoski) dhe së bashku me prokurorët shkruajnë kumtesa ose gjykatësit kushtetues të cilëve kanë parasysh titujt për Dobrila Kacarskën të nxjerra pikërisht nga kumtesa e tyre). 

Ndryshe, sipas hulumtimit të Gallup, në vitin 2024, 38 për qind e amerikanëve kanë pasur besim në sistemin e tyre të drejtësisë (për dallim nga 2 për qind te ne), e madje 58 për qind kanë konsideruar se gjykatësit e tyre penalë nuk ishin mjaft të ashpër ndaj autorëve të veprave penale. 

Ja vetëm një pjesë të vogël të deklaratave të Trampit për gjykatës të caktuar: 

"Nuk ka kurrfarë vepre penale. Kam një gjykatës të prishur. Ai është një gjykatës plotësisht konfliktuoz”.

Trampi e komenton gjykatësinn Huan Merçan derisa fliste në një tubim në Uiskonsin, për shkeljen e rregullit gjykatësit të mos flasin për rastet gjyqësore dhe pjesëmarrësit. (1 maj 2024)

"Gjykatësit duhet t'i hiqet licenca!... Sistem i korruptuar gjyqësor”.

Donald Tramp publikisht kërkon që t'i hiqet licenca juridike (të jetë i "skualifikuar") gjyktësit Huan Merçan, duke e quajtur sistem "të korruptuar". (4 janar 2025)

“Gjykatësit dhe prokurorët e korruptuar demokratë veprojnë kundër kundërshtarit politik, kundër presidentit, kundër meje, në një nivel padrejtësie të paparë më parë”.

Ai e paraqet rastin e tij gjyqësor si makineri politike, duke pretenduar se "gjykatësit dhe prokurorët e korruptuar demokratë" janë drejtuar drejt tij personalisht. (4 janar 2025)

"Ndoshta do të duhet të shikojmë drejt gjykatësve, sepse mendoj se është një shkelje shumë serioze".

Ai e tha këtë derisas po fliste me Ilon Mask për gjykatësit që bllokuan planin e tij për të shkurtuar shpenzimet buxhetore. (12 shkurt 2025)

"Do t'i dëbojmë aktorët keqdashës dhe forcat e korruptuara nga qeveria jonë... grupi i korruptuar i hakerave dhe radikalëve ... kaq të korruptuar ... kaq keqdashës".

Kjo pjesë është nga fjalimi i Trampit në Ministrinë e Drejtësisë. Ai e përshkruan strukturën gjyqësore (dhe juridike) si thellësisht të korruptuar dhe thotë se ne duhet t'i "zhdukim" ata "aktorë të lirë" në institucionet juridike. (15 mars të këtij viti)

Në një fjalim në Ministrinë e Drejtësisë, Presidenti Tramp gjithashtu bëri thirrje për përgjegjësi për grupe të caktuara gazetarësh, prokurorësh dhe gjykatësish dhe paralajmëroi masa të mundshme ndëshkuese (duke përfshirë edhe burgimin) kundër atyre që sulmuan bashkëpunëtorët e tij. (15 mars 2025)

"Kjo është aktakuzë e rreme, e trilluar nga një gjykatës i korruptuar që po bën vetëm punën e "Ministrisë së Padrejtësisë" së Bajdenit dhe Harrisit".

Trampi kritikon gjykatën që e dënoi atë në rastin e “depozitave të fshehta” dhe avokatët e gjykatësit Merçan, duke pohuar se bëhet fjalë për “përndjekje politike”. (15 mars k.v.)

“Ky është një i çmendur radikal majtist nga një gjykatës, një problematik dhe agjitator … Ky gjykatës, si shumë nga gjykatësit e korruptuar para të cilëve jam i detyruar të paraqitem, duhet të rivokohen!”

Bëhet fjalë për gjykatësin Xhejms Bozberg, i cili lëshoi urdhër për të ndaluar dëbimet e anëtarëve të supozuar të bandës venezueliane sipas "Alien Enemies Act". (18 mars 2025)

E pas një jave, do të deklarojë, "Unë thjesht po bëj atë që votuesit donin që unë ta bëj." 

"Gjykatësit uzurpojnë pushtetin presidencial".

Pas një vargu vendimesh gjyqësore që kufizuan zbatimin e masave ekzekutive (mars 2025), Shtëpia e Bardhë dhe Tramp akuzuan gjykatësit për marrjen e pushtetit që i takon presidentit, respektivisht pushtetit ekzekutiv.

Gjatë muajit mars të këtij viti, Presidenti Tramp iu referua në mënyrë të përsëritur pjesëmarrësve në sistemin amerikan të drejtësisë, duke kërkuar impiçment për disa gjykatës: "Ne do të duhet të fajësojmë disa nga këta gjykatës radikalë", "këta janë aktorë kriminalë brenda qeverisë sonë", ka targetuar gjykatësit federalë në rastet e emigracionit "këta gjykatës sabotojnë sigurinë kombëtare", akuzoi disa gjykatës se janë pjesë e "shtetit të thellë" , duke i quajtur ata  "gjykatës të korruptuar të shtetit të thellë".

Në muajt prill dhe maj, nga ana tjetër, ai tha se "gjykatësit e pazgjedhur po bllokojnë atë për të cilën votuan amerikanët", respektivisht se "ne duhet të pastrojmë sistemin e korruptuar të drejtësisë" dhe se në Amerikë ka "gjykatës armiqësorë... që punojnë kundër vendit".