Berlin, 23 janar 2025 (MIA) - Gjermania po punon intensivisht për deportimin e një numri të madh të kriminelëve mbrapa në Afganistan, deklaroi sot ministrja e Punëve të Brendshme Nensi Fezer.

"Ne jemi i vetmi vend në Evropë që deporton kriminelë seriozë mbrapa në Afganistan për herë të parë që nga sundimi i talebanëve. Dhe unë do të doja ta bëja shumë të qartë se po punojmë shumë për të dëbuar kriminelët e rinj në Afganistan", tha ajo. 

 Fezeri, gjithashtu, theksoi se sistemi i Dublinit, sipas të cilit kërkesa e dikujt për azil duhet të përpunohet në vendin e parë të mbërritjes, "më nuk funksionon".

 Ajo e bëri deklaratën një ditë pasi një afgan, kërkesa e të cilit për azil në Gjermani u refuzua, vrau dy persona, duke përfshirë një djalë dyvjeçar, në qytetin bavarez të Aschafenburg. Në sulmin në parkun e qytetit u lënduan tre persona, mes tyre edhe një fëmijë, ndërsa policia  e arrestoi kryerësin.