Moskë, 3 dhjetor 2025 (MIA) - Në nëntor të këtij viti, të paktën 249 civilë u vranë, ndërsa 1.317 persona u plagosën në bombardime dhe sulme që synonin infrastrukturën civile në të dyja anët e frontit, theksohet në raportin e organizatës joqeveritare ruse Ekipi për shërbime intelegjence për konflikte (CIT).

Autoritetet ruse në gusht të vitit 2023 e shpallën CIT-in të padëshirueshëm.

CIT në “Raportin për bombardime” në nëntor 2025 tha se forcat ruse lëshuan gjithsej 5.660 raketa dhe dronë me rreze të gjatë veprimi, që është një rritje prej dy për qind krahasuar me tetorin. Të dhënat bazohen në raportet ditore të forcave ajrore ukrainase. 

Gjithashtu theksohet se Rusia lëshoi ​​5.445 dronë me rreze të gjatë veprimi dhe 215 raketa drejt Ukrainës në nëntor, që është një rritje prej tre për qind në numrin e dronëve dhe një rënie prej dy për qind në numrin e raketave krahasuar me tetorin.

Ndërkohë, sipas të dhënave të mbledhura nga Blumberg, Ukraina muajin e kaluar të paktën 14 herë sulmoi rafineri ruse me dronë. ls/

Foto: EPA