Стив Бушеми нападнат со тупаница во центарот на Менхетен
- Нападот е означен како неиспровоциран акт на агресија. Напаѓачот побегнал, а полицијата трага по него.
![Стив Бушеми нападнат со тупаница во центарот на Менхетен](https://mia.mk/images/20240513114058_big_730x400_23.webp )
Њујорк, 13 мај 2024 (МИА) - Американскиот глумец Стив Бушеми се наоѓа во болница во Њујорк откако бил нападнат од непознат маж во центарот на њујоршката општина Менхетен. Глумецот се чувствува добро и заздравува, соопшти неговиот гласноговорник.
Бушеми (66) вчера бил удрен со тупаница во лицето од непознат човек. Нападот е означен како неиспровоциран акт на агресија. Напаѓачот побегнал, а полицијата трага по него.
Глумецот, инаку добитник на „Златен глобус“ е познат по улогите во филмовите „Пороците на Мајами“, „Касапски кучиња“, „Фарго“, „Големиот Лебовски“ и други. си/
Фото: ЕПА