Москва, 12 август 2024 (МИА) - Руското Министерство за одбрана соопшти дека во текот на ноќта, руската воздушна одбрана уништила 18 украински беспилотни летала над три региони – Курск, Белгород и Воронеж, пренесоа британските медиуми.

Единаесет од беспилотните летала беа соборени во пограничниот регион Курск, соопштија од одделот.

Руските единици за противвоздушна одбрана пресретнаа пет беспилотни летала над регионот Белгород, друг регион кој граничи со Украина, и два над регионот Воронеж, кој се наоѓа неколку стотици километри јужно од главниот град Москва. Нема жртви во областа Воронеж, изјави локалниот гувернер Александар Гусев, цитиран од руските медиуми.

Во резимето на руското Министерство за одбрана на Телеграм не се споменува колку украински беспилотни летала биле испратени на руска територија во текот на изминатата ноќ. мс/

фото: МИА архива